लिटिल फ्लावर स्कुलको अतिरिक्त क्रियाकलापको जिम्मेवारीमा ८ जना (तस्वीरसहित)

चितवन । लिटिल फ्लवार स्कुलको अतिरिक्त क्रियाकलापको तीन बिधाको जिम्मेवारीमा ८ जना निर्वाचित भएका छन ।

स्कुलको माध्यमिक तहमा हरेक बर्ष नयांँ जिम्मेवारी तोकिने व्यवस्था भएसंँगै यसबर्षको लागि ८ जना नयांँ नेतृत्व निर्वाचित भएका हुन् । जसअनुसार उक्त तहको चेयर पर्सनमा रितिका तिमिल्सिना र प्रणय राज काफ्ले , स्पोर्टस एण्ड गेम्स विधाको क्याप्टेनमा विमर्श पोख्रेल, र विपिन घर्ती , निर्वाचित भएका छन ।

यस्तै स्कुल सांस्कृतिक विधामा सुप्रिमा आले मगर, र इशान सापकोटा , विज्ञान विधामा अभिषेक सुबेदी र अनुष्का लामिछाने निर्वाचित भएका हुन् । माध्यमिक तहमा १४८ जना विद्यार्थीहरु मध्ये १४२ जनाले मतदान गरेका थिए । ८ जना पदको लागि १४ जनाको उम्मेदवारी परेको थियो । स्कुलमा भएको विद्युतीय मतदानबाट ८ जना चयन भएको स्कुल प्रशासनले जनाएको छ । निर्वाचनलाई छिटो छरितो र पारदर्शी गर्न विद्युतीय मतदान प्रणाली अपनाईएको थियो । निर्वाचनको प्राविधिक संयोजन देबेन्द्र चापागाईंले गर्नुभएको हो ।

माध्यमिक तहको विज्ञान संकायका कोअर्डिनेटर कृष्ण ढकालले स्कुलमा हुने हरेक अतिरिक्त क्रियाकलापमा विद्यार्थीहरुलाई अभ्यस्त गराउन र जिम्मेवारी दिने उद्धेश्यले हरेक विधामा नेतृत्व प्रदान गर्न प्रत्येक बर्ष निर्वाचनबाट नेतृत्व चयन गरिदै आएको बताउनु भयो । विद्यार्थीहरुबाट अतिरिक्त क्रियाकलापका लागि जिम्मेवारी तोकिदा शिक्षाको सैदान्तिक तथा व्यवहारिक अभ्यासमा गुणस्तरीयता थपिने कोअर्डिनेटर ढकालको भनाई छ । ‘यसले विद्यार्थीको नेतृत्व क्षमताको विकासमा पनि थप मदत गर्छ, सिर्जनात्मक र समस्याको कसरी समाधान गर्ने भन्ने पनि सिकाउंँछ ।’ ढकालले भन्नुभयो ।
कार्यक्रममा स्कुलका फादर मञ्जुस, विज्ञान संकायका शिक्षक शिक्षीका ,कर्मचारी लगायत सहभागी हुनुहुन्थ्यो ।
नीजि विद्यालय मध्ये जिल्लामै उत्कृष्ट स्थान ओगट्न सफल स्कुलमा सबै तह गरी करीब २ हजार ४ सय विद्यार्थी अध्ययनरत छन ।