कार्यक्रममा आरोही शेर्पाले भन्नुभयो, “मृत्युबाट उम्केर बल्लतल्ल नयाँ जीवन पाएको मान्छे फेरि मृत्युको मुखमा किन जान्छस् भनेर धेरैले सम्झाउँदा पनि अरूसँग सहयोग जुटाइ २५–३० लाख खर्च गरेर सगरमाथा चढ्न खोजेको देख्दा धेरैले असम्भव कार्यको लागि बढी जिद्धी नगर भन्दै सुझाव दिएको बताउनुभयो ।”

उहाँले सहिद धर्मभक्त राष्ट्रिय प्रत्यारोपण केन्द्रबाट आफूले पाएको मायाँ र उच्च मनोवलका साथ आफू सगरमाथा आरोहण गर्न सक्षम भएको प्रमाणित गर्न दृढ सङ्कल्पित भएको भन्दै यस आरोहणको सफलताले आफूमा साहस र आत्मविश्वास बढेको बताउनुभयो ।

कार्यक्रममा आरोही शेर्पाले यस आरोहणले आफूमा साहस र आत्मविश्वास झनै बढेको र आगामी दिनमा विश्वको सातवटै महादेशको उच्च शिखरहरू आरोहण गर्ने प्रतिबद्धता व्यक्त गर्नुभयो । कार्यक्रममा अस्पतालका डा कल्पना श्रेष्ठसहित अन्य डाक्टरलगायतले खादा ओढाएर शेर्पालाई सम्मान गर्नुभएको थियो ।

वैदेशिक रोजगारीका क्रममा मिर्गौला फेल भएको पत्ता लागेपछि स्वदेश फर्किउनुभएका शेर्पाले २०७९ कात्तिक २ गते सहिद धर्मभक्त राष्ट्रिय प्रत्यारोपण केन्द्रमा डा पुकारचन्द्र श्रेष्ठको नेतृत्वको टोलीबाट मिर्गौला प्रत्यारोपण गराउनुभएको थियो ।

सगरमाथा आरोही शेर्पाले यस आरोहणले आफूमा साहस र आत्मविश्वास झनै बढेको र आगामी दिनमा विश्वको सात वटै महादेशको उच्च शिखरहरू आरोहण गर्ने कुरा बताउनुभयो । सन् २००२४ मार्च २२ मा लोबुचे हिमाल आरोहण गर्नुभएका उहाँले गत मे १४ मा सफलतापूर्वक सगरमाथा आरोहण गरि कीर्तिमान कायम राख्नुभएको थियो । रासस