भरतपुर । राष्ट्रिय युवा संघ भरतपुर महानगर कमिटी राष्ट्रिय युवा संघ नेपाल कप फुटबलको फाइनलमा प्रवेश गरेको छ । आज भएको दोस्रो सेमिफाइनलमा माडी नगर कमिटीलाई हराउँदै भरतपुर उपाधि नजिक पुगेको हो ।
कृष्णपुरको मैदानमा भएको खेलमा भरतपुर ५-० ले विजयी भयो । भरतपुरको जितमा समिर श्रेष्ठले ह्याट्रिक गरे । यस्तै सुदिप गुरुङले २ गोल गरे । माडीका लागि निशान महतोले एक मात्र गोल गरे ।
भरतपुरका समिरले पहिलो हाफको १९ औं, दोस्रो हाफको दोस्रो र २७ औं मिनेटमा गरेर ह्याट्रिक गरे । सुदिपले पहिलो हाफको १५ औं र दोस्रो हाफको २५ औं मिनेटमा दुई गोल गरे । माडीका प्रतिकले दोस्रो हाफको पहिलो मिनेटमा एक मात्र गोल गरे । ह्याट्रिक गरेका भरतपुरका समिर प्लेयर अफ दि म्याच भए ।
भरतपुरले अब उपाधिका लागि कालिका नगर कमिटीको सामना गर्नेछ । कालिका यसअघि पहिलो सेमिफाइनलमा राप्तीलाई हराउँदै फाइनलमा प्रवेश गरिसकेको छ । उपाधि भिडन्त २३ गते शुक्रबार दिउँसो ३ बजे हुनेछ ।
राष्ट्रिय युवा युवा संघ भरतपुर महानगर कमिटीको आयोजनामा जारी प्रतियोगिताको विजेताले ट्रफीसहित १ लाख र दोस्रो हुने टोलीले ५० हजार रुपैयाँ प्राप्त गर्नेछ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.