चितवन –
नेपाली कांग्रेसका पूर्वसभापति शेरबहादुर देउवा पक्षले अघि बढाएको १५औँ महाधिवेशनको तयारीअन्तर्गत भरतपुर महानगरपालिकाको अधिवेशन सम्पन्न गर्ने जिम्मेवारी तरुण दल चितवनका जिल्ला उपाध्यक्ष प्रमिस राईलाई दिइएको छ।
देउवा पक्षले १५औँ महाधिवेशनअन्तर्गत समानान्तर रूपमा वडा तहदेखि अधिवेशन प्रक्रिया अघि बढाइरहेको छ। उक्त पक्षले मंसिर २१ देखि २३ गतेसम्म काठमाडौंमा केन्द्रीय महाधिवेशन गर्ने कार्यतालिका सार्वजनिक गरेको छ।
यही तयारीअन्तर्गत भरतपुर महानगरको महाधिवेशन तयारी संयोजकमा प्रमिस राईलाई जिम्मेवारी दिइएको हो। राईलाई जिम्मेवारी दिइएको पत्रमा नेपाली कांग्रेसको १५औँ नियमित केन्द्रीय महाधिवेशन सम्पन्न गर्ने क्रममा भरतपुर महानगरपालिकाको अधिवेशन सम्पन्न गर्न संयोजकको जिम्मेवारी प्रदान गरिएको उल्लेख छ।
राई तरुण दल चितवनका जिल्ला उपाध्यक्ष हुन्। उनी लामो समयदेखि कांग्रेस तथा तरुण दलको संगठनात्मक गतिविधिमा सक्रिय रहँदै आएका छन्। सार्वजनिक विवरणअनुसार राईले २०५४ सालमा नेपाल विद्यार्थी संघको सदस्य हुँदै राजनीतिक यात्रा सुरु गरेका थिए भने २०५८ सालमा नेपाल तरुण दल चितवनसँग जोडिएका थिए।
देउवा पक्षसँग निकट राजनीतिक सम्बन्ध रहेका राईलाई भरतपुर महानगरजस्तो महत्वपूर्ण संगठनात्मक क्षेत्रमा अधिवेशन तयारीको जिम्मेवारी दिइनुलाई चितवनमा देउवा पक्षको संगठन विस्तार तथा अधिवेशन तयारीसँग जोडेर हेरिएको छ। देउवा पक्षले चितवनमा समेत महाधिवेशन तयारीका लागि संगठनात्मक गतिविधि तीव्र बनाइरहेको छ।
जिल्ला संयोजक मिलन बाबु श्रेष्ठले २०८३ असोज १३ गते जारी गरेको पत्रमा राईलाई विधानको परिधिभित्र रही काम गर्न आग्रह गरिएको छ।
भरतपुर महानगर कांग्रेसको संगठनात्मक संरचना र आगामी नेतृत्वका लागि महत्वपूर्ण मानिने भएकाले राईलाई दिइएको जिम्मेवारीलाई चितवन कांग्रेसभित्र चासोका साथ हेरिएको छ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.