६००ट्याब्लेट लागुऔषध नाईट्राभेट सहित चितवनका ४ जना नियन्त्रणमा

मकवानपुर । रातोमाटेबाट ६०० ट्याबलेट नाईट्राभेट सहित ४ जनालाई नियन्त्रणमा लिईएको छ ।
कालिका नगरपालिका वडा नंम्बर ८ बस्ने उत्सव भन्ने एन्जल गुरुङ, सोही ठाउंँका निश्चल परियार, भरतपुर महानगरपालिका वडा नंम्बर १६का नर बहादुर राना मगर र सोही ठाउंँका युवराज गुरुङ रहेका छन ।
जिल्ला प्रहरी कार्यालय, मकवानपुरका अनुसार सोमबार अपरान्ह सवा चारबजे जिल्ला प्रहरी कार्यालय मकवानपुरबाट खटिएको प्रहरी टोलीले हेटौडा उपमहानगरपालिका वडा नम्बर १५ रातोमाटे चेकपोष्ट अगाडीसवारी साधन रोकी चेकजाँच गर्ने क्रममा बिरगंजबाट हेटौडा तर्फ आउदै गरेको ना ६ ख ५३०९ नं। को बसलाई रोकी चेकजाँच गर्ने क्रममा उक्त बसमा सवार रहेको जिल्ला चितवने लुकाई छिपाई ल्याएको उक्त परिमाणमा नाइट्राभेट ट्याब्लेट फेला पारेको हो । उनीहरुलाई नियन्त्रणमा लिई आज मकवानपुर जिल्ला अदालतबाट दिन १० म्याद अनुमति लिई थपअनुसन्धान भईरहेको प्रहरीले जनाएको छ ।