१७३ बोतल लागुऔषध डाईलेक्स डिसी सहित दुई भारतीय नागरिक पक्राउ

मकवानपुर । मकवानपुर प्रहरीले १७३ बोतल लागुऔषध डाइलेक्स डिसी सहित दुईजना भारतीय नागरिकलाई पक्राउ गरेको छ । पक्राउ पर्नेमा भारत बिंहार रक्सौल पुर्वी चम्पारणका अरविन्द कुमार पाण्डे र बिहार रक्सौल बस्ने अमिता साह रहेका छन ।
जिल्ला प्रहरी कार्यालय मकवानपुरका अनुसार मंगलबार पौने ४ बजे हेटौडा उपमहानगरपालिका वडा नम्बर १५ रातोमाटे चेकपोष्ट सण्डखण्डमा सवारी साधनहरु रोकी चेकजाँच गर्ने क्रममा पथलैया बाट हेटौडा तर्फ आउदै गरेको ना १ ह ९४५० नं। को अटोलाई रोकी चेकजाँच गर्ने क्रममा अटो चालक पाण्डे र अटोमा सवार शाह पक्राउ परेका हुन् । उनीहरुलाई नियन्त्रणमा लिई आज ४ गते जिल्ला अदालतबाट म्याद थप गरी अनुसन्धान भईरहेको प्रहरीले जनाएको छ ।