घांँस काट्ने क्रममा बाघले आधा भाग खाएको अवस्थामा बृद्धाको शव नियन्त्रणमा

चितवन । चितवनमा घांँस काट्ने क्रममा बाघले आक्रमण गर्दा एक बृद्धाको मृत्यु भएको छ । मृत्यु हुनेमा भरतपुर महानगरपालिका वडा नम्बर ६ की चीजा सार्की रहेकी छिन । जिल्ला प्रहरी कार्यालय, चितवनका अनुसार चितवन राष्ट्रिय निकुञ्जभित्र तीन जनाको समूहमा घाँस काट्न गएकामध्ये सार्की आक्रमणमा परेकी हुन् । दुई जना भने सकुशल रहेका चितवन प्रहरीले जनाएको छ ।
ईलाका प्रहरी कार्यालय गीतानगर र चितवन राष्ट्रिय निकुञ्जको टोली हात्तीसहित निकुञ्जभित्र खोजतलास गरी शवलाई नियन्त्रणमा लिएको छ । शवको आधा भाग बाघले खाइसकेको अवस्थामा फेला परेको प्रहरीले जनाएको छ ।