हेटौंडाबाट लागुऔषध खैरो हेरोईन सहित दुईजना पक्राउ

मकवानपुर । हेटौंडाबाट लागुऔषध हेरोइन सहित दुईजना पक्राउ परेका छन ।
पक्राउ पर्नेमा हेटौडा उपमहानगरपालिका वडा नम्बर १० को ठिल्ले लामा तामाङ र पछाडी सवार सोही ठाउंँका अजय घले रहेका छन ।
जिल्ला प्रहरी कार्यालय, मकवानपुरका अनुसार शनिबार सांँढे ४ बजे हेटौंडा उपमहानगरपालिका वडा नम्बर १५ पुर्व पश्चिम लोकमार्ग सडकखण्डमा पथलैयाबाट हेटौडा तर्फ आउदै गरेको बा ९९ प ३०४१ नं. मोटरसाईकललाई चेकजाँज गर्ने क्रममा उनीहरुले लुकाई छिपाई ल्याएको ७ ग्राम ६०० मिली ग्राम लागुऔषध खैरो हेरोईन फेला परेको हो । प्रहरीले लागुऔषध खैरो हिरोईन, मोटरसाईकल सहित उनीहरुलाई पक्राउ गरी आज मकवानपुर जिल्ला अदालतबाट १५ दिनको म्याद थप गरी अनुसन्धान भईरहेको प्रहरीले जनाएको छ ।