मकवानपुर प्रहरीद्धारा ३५बिगाहमा लगाईएको अफिम खेती नष्ट

मकवानपुर । मकवानपुर प्रहरीद्धारा ३५ विगाहामा लगाईएको अफिम खेती नष्ट गरिएको छ ।
प्रहरीको तीनदिने गाँजा खेती नष्ट गर्ने अभियान अन्तर्गत प्रहरी प्रधान कार्यालय लागुऔषध नियन्त्रण ब्युरो कोटेश्वर काठमाण्डौ,बागमती प्रदेश प्रहरी गणरातोमाटे र प्रहरी कार्यालय मकवानपुर, मातहत कार्यालयबाट खटिएकोे ६३ जनाको प्रहरी टोलीले अफिम खेती नष्ट गरेको हो । आज राक्सिराङ गाउंँपालिका वडा नम्बर ४ चौकिटार, मादल सिंह, कैलाश गाउंँपालिका वडा नम्बर ४ बिलौनी, वडा नम्बर ७ बिलासी, ताम्लाङ र वडा नम्बर ८ रुपलाङ, डुडलुङ लगायतको एरियामा ३५ बिगाहमा लगाएको अफिम खेती फडानी गरी नष्ट गरिएको मकवानपुर प्रहरीले जनाएको छ ।