भरतपुर विमानस्थल भित्र फेरी आगलागी : विजुली,टेलिफोन इन्टरनेटको तार जलेर क्षति

असार १२, चितवन । भरतपुर विमानस्थलको टावर नजिकै आज बिहान आगलागी भएको छ । बिहान ३ बजेर ४० मिनेटमा टावर नजिकै बिजुलीको तारमा करेन्ट सर्ट भई एक्कासी आगो लागेको चितवन प्रहरीले जनाएको छ । आगलागी हुंँदा बिजुलीको तार, टेलिफोन र ईन्टरनेटको तारमा क्षति पुगेको जिल्ला प्रहरी कार्यालय चितवनका प्रवक्ता नरहरि अधिकारीले जानकारी दिनुभयो । आगलागी भएपनि टावर तथा अन्य मानवीय क्षति हुन पाएन । दमकल सहितको प्रहरीको टोली १० मिनेट भित्र आगो नियन्त्रणमा लिएको अधिकारीले बताउनु भयो । गतबर्ष पनि यहांँ बिद्युत सर्ट भएर आगलागी भएको थियो ।