चितवनमा । चितवन उद्योग संघ परिषर, चितवन प्रर्दशनी केन्द्रमा दुईदिने रोजगार मेला हुने भएको छ । भरतपुर महानगरपालिका र रत्ननगर नगरपालिकाको संयुक्त आयोजना तथा उद्योग बाणिज्य संघ,चितवन, चितवन उद्योग संघ, चितवन चेम्बर अफ कमर्स लगायत अन्य व्यवसायिक संस्थाका छाता संगठनको समन्वय र सहकार्यमा असार २२ र २३ गते उक्त मेला आयोजना गर्न लागिएको हो । आज भरतपुरमा पत्रकार सम्मलेन गरी यसबारे जानकारी दिईएको हो ।
होटेल व्यवसायी महासंघ नेपाल, क्षेत्रीय होटेल संघ, रेस्टुरेन्ट एन्ड बार एसोसिएसन सौराहा र नेपाल पोल्ट्री महासंघको सहकार्य र नेपाल सरकार तथा स्वीस सरकारको द्विपक्षीय सम्झौतामा आधारित दिगो तथा रोजगारीका लागि सीप (इन्स्योर) परियोजना दोश्रो चरण, हेल्भेटास नेपालको प्राविधिक सहयोग रहेको छ ।
पत्रकार सम्मेलनमा बोल्दै भरतपुर महानगरपालिकाका प्रमुख प्रशासकीय अधिकृत रामबन्धु सुबेदीले युवालाई स्वदेशमै रोजगारी उपलब्ध गराउने नेपाल सरकारको नीतिलाई सहयोग पर्ुयाउने उद्देश्यका साथ रोजगार मेला आयोजना गर्न लागिएको बताउनु भयो ।
रोजगारको खोजीमा रहेका जनशक्ति र रोजगारदातालाई एकै स्थानमा ल्याई यस क्षेत्रका सीपयुक्त जनशक्तिलाई स्थानीय उद्योग, पर्यटन, होटल, निर्माण व्यवसाय लगायतका क्षेत्रमा रोजगारी उपलब्ध गराउन मेलाले सहयोग गर्ने सुबेदीको भनाई छ । यो मेलाले आ–आफ्नो आवश्यकता अनुसारको जनशक्ति खोज्न र रोज्न सहयोग पुग्ने अपेक्षा गरिएको छ ।
मेलामा उद्योग, सेवा–क्षेत्र, विभिन्न व्यवसायका रोजगारदाता लगायत रोजगार र स्वरोजगार बन्न चाहनेको लागि बढी उपयोगी हुने आयोजकको विश्वास छ ।
सो अवसरमा बोल्दै चितवन उद्योग संघका अध्यक्ष त्रिलोचन कंडेलले यो रोजगार मेलामा यहांँका विभिन्न व्यवसायिक प्रतिष्ठान तथा उद्योगहरुमा कस्ता जनशक्तिको प्रयोग भईरहेको छ र दक्षजनशक्तिको व्यवस्थापन कसरी गर्न सकिन्छ भन्ने जानकारी हुने बताउनु भयो । मेलाले रोजगारदाता र रोजगारीकर्ता बीच पुलको काम गर्ने उहांँको भनाई छ । मेलामा स्वरोजगारबाट उत्पादन भएका बस्तुको प्रर्वद्धन र नयांँ प्रविधिबीच जानकारी तथा व्यवसायीबीच ज्ञान आदान प्रदान गर्न सकिने कंडेलले बताउनु भयो ।
मेलामा वृत्ति विकास सम्बन्धी परामर्श सेवा तथा जानकारी,सीपमूलक तालिम दिने संस्थाहरूको प्रदर्शनी र सीप विकास तालिम, रोजगार सम्बन्धी सूचना दिइनुका साथै रोजगारदातासँग प्रत्यक्ष सम्पर्क , वृत्ति विकास सम्बन्धी परामर्श सेवा तथा जानकारी, सीपमूलक तालिम दिने संस्थाहरूको प्रदर्शनी र सीप विकास तालिमबारे जानकारी दिइने छ ।
यस मेलाले एकातर्फ देशको दक्ष जनशक्ति पलायन हुन रोक्नुका साथै अर्कातर्फ उद्योग–व्यवसाय लगायतका मेलाले जनशक्तिको माग र आपूर्तिबीच सन्तुलित तालमेलका लागि महत्वपूर्ण अवसर उपलब्ध गराउने आयोजकको विश्वास रहेको छ ।
मेलामा निःशुल्क प्रवेश को व्यवस्था गरिएको छ । दुईदिन सम्म चल्ने मेलामा ८ हजार देखि १०हजार सम्मले अवलोकन गर्ने अनुमान गरिएको छ । मेलामा१०० देखि २०० जना बेरोजगार युवाले कार्यक्रम स्थलमा विभिन्न उद्योग तथा व्यवसायमा रोजगारी प्राप्त गर्ने आयोजकले बताएको छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.