मौरी पुल नजिकै ठूलो पहिरो : नारायणगढ मुग्लिन सडक अवरुद्ध

चितवन । भारी बर्षाका कारण पहिरो खसेपछि नारायणगढ मुग्लिन सडक अवरुद्ध भएको छ । गए राती ९ बजे भरतपुर महानगरपालिका वडा नम्बर २९ स्थित केराबारी मौरी खोला पुल नजिकै ठूलो पहिरो खस्दा दुबै तर्फ सडक अवरुद्ध भएको हो । पहिरो खसेर बाटो अवरुद्ध भएपछि प्रहरी चौकी जुगेडीबाट प्रहरी नायब निरीक्षक सहितको टोलीले सडक डिभिजन कार्यालय संँग समन्वय गरेर सडक खुलाउने प्रयास गरिरहेको जिल्ला प्रहरी कार्यालय चितवनले जनाएको छ । पहिरो खसेको स्थान प्रहरी चौकी जुगेडीबाट ८ किलोमिटर मुग्लिनतर्फ पर्दछ ।