राप्तीको मञ्जुश्री दाना गोदाममा राती भीषण आगलागी :डेढ करोड बराबरको सामान जलेर नष्ट

संवाददाता

शुक्रबार, भदौ २४, २०७९ मा प्रकाशित

चितवन । चितवनको एक कुखुरा गोदाममा आगलागी हुंँदा डेढ करोड बराबरको क्षति भएको छ । राप्ती नगरपालिका वडा नम्बर ३ झुरझुरे स्थित किरण ओलीको मञ्जुश्री दाना उद्योगको गोदाममा आगलागी भएको हो ।

जिल्ला प्रहरी कार्यालय चितवनका अनुसार राती १ बजेर ४० मिनेटको समयमा गोदाममा विद्युत सर्ट भई आगो लागेको र दमकल, प्रहरी र स्थानीयको सहयोगमा बिहान ३ बजेर २० मिनेटमा आगो नियन्त्रणमा आएको हो । आगलागीबाट दाना बनाउन प्रयोग हुने मेशीन, बिजुलीका सामान,दाना लगायतका सामान नष्ट हुंँदा डेढ करोड बराबरको क्षति अनुमान गरिएको प्रहरीले जनाएको छ । यस बिषयमा थप अनुसन्धान भईरहेकोे छ ।