जापानलाई हराउँदै स्पेन ओलम्पिकको फाइनलमा

काठमाडौं । जापानलाई हराउँदै स्पेनको यू–२३ टिम टोकियो ओलम्पिक अन्तर्गत पुरुष फुटबलको फाइनलमामा प्रवेश गरेको छ । मंगलबार भएको दोस्रो सेमिफाइनलमा जापानलाई हराउँदै स्पेनले फाइनलमा स्थान बनाएको हो ।

अब स्पेनले फाइनल खेलमा ब्राजिलसँग प्रतिस्पर्धा गर्ने भएको छ । स्पेनले जापानलाई अतिरिक्त समयमा १–० गोल अन्तरले पराजित गर्दै स्वर्ण नजिक पुगेको छ ।

प्रतिस्पर्धात्मक बनेको खेलको निर्धारित ९० मिनेटको खेल गोलरहित बराबरीमा सकिएपछि खेल अतिरिक्त समयमा गएको थियो । अतिरिक्त समयमा स्पेनका मार्को एसेन्सियो खेलको ११५ औँ मिनेटमा निर्णायक गोल गर्दै स्पेनलाई महत्वपूर्ण जित दिलाए ।