निर्देशक कोइराला नयाँ टेलि-सिरियल ‘दोष तिम्रो हो की मेरो’ ल्याउने तयारीमा

काठमाडौं । नेपाली सिनेमा र टेलि- सिरियलहरु निर्देशन गरिसकेका निर्देशक रमेश कोइरालाले अर्को एउटा नयाँ सिरियल मार्फत दर्शकमाझ आउने भएका छन् । सानो पर्दा र ठूलो पर्दामा उत्तिकै सक्रिय कोइरालाको निर्देशनमा ‘दोष तिम्रो हो की मेरो’ शीर्षकको एउटा मेगा सिरियल नेपाल टेलिभिजनबाट प्रसारण हुने तयारी गरिएको छ ।
निर्माणाधीन अवस्थामा रहेको उक्त मेघा सिरियलको स्क्रिप्ट लेखन कार्य सम्पन्न भै हाल कलाकारहरूको चयन भइरहेको निर्देशक कोइराला जानकारी दिए । सिरियलमा रमेश बुढाथोकी, अनिता केसी, बुद्धि तमाङ, जेएन घिमिरे लगायतका कलाकारको चयन भैसकेको छ भने अन्य कलाकार तथा प्राविधिकहरुको चयन हुने क्रम जारीे छ ।
‘यो मेरो निर्देशनको नवौं टेलिश्रृंखला हुनेछ, निर्देशक कोइराला भने –‘यो श्रृंखला आगमाी दशैंदेखि आम दर्शकले टेलिभिजन तथा युट्युबमार्फत हेर्न सक्नु हुनेछ ।’ निर्देशक कोइरालाका अनुसार यही भदौको पहिलो सातादेखि यो श्रृंखलाको छायांकन प्रारम्भ गरिनेछ ।यो श्रृंखलामा कथा तथा निर्देशन रमेश कोइरालाको रहने छ भने पटकथा तथा सम्वाद जया ओझाको रहने छ । रोजा तिमिल्सिनाको प्रस्तुततिमा यो श्रृंखलालाई मदानी मूभी तथा इन्टरटेन्मेन्टले निर्माण गर्ने बताईएको छ । निर्माण संयोजकको रुपमा अनन्तराज तिमिल्सिना रहेका छन् ।