फेरी आज बिहानै नारायणी नदीमा हामफालेर एक व्यक्ति वेपत्ता

संवाददाता

मङ्गलबार, भदौ ०८, २०७८ मा प्रकाशित

चितवन । नारायणी नदीको पुलबाट आज बिहान ६ बजेर ५५ मा मिनेटमा एक पुरुष हामफालेर वेपत्ता भएका छन । पुलमाथिे झोला भित्र भेटिएको नागरिताको आधारमा ् प्रहरीले हामफाल्ने व्यक्ति दाङ्ग तुलसीपुर उपमहानगर पालिका वडा नम्बर ४ का ४५ बर्षीय अन्तुल प्रसाद गुप्ता हुनसक्ने अनुमान गरेको छ ।

जिल्ला प्रहरी कार्यालय चितवनका प्रवत्ता प्रहरी नायब उपरीक्षक सूर्य थापाले नारायणी नदीमा एक व्यक्तिले हामफालेको खबर हुनासाथ वडा प्रहरी कार्यालय, नारायणगढ र जिल्ला प्रहरी कार्यालय ,चितवनको प्रहरी टोलीले खोजतलास कार्य गरिरहेको जानकारी दिनुभयो । ‘पुलमाथि एउटा झोला भित्र नागरिकताको फोटोकपी गुप्ताको थियो , उहांँले भन्नुभयो, तर हामफाल्ने व्यक्ति उनीनै हुन या होइनन भन्नृे एकीन गर्न चाहिंँ मिल्दैन ।’