नवलपुरबाट ठूलो संख्यामा मोटरसाइलसहित चोरी गर्ने गिरोह पक्राउ

नवलपुर । नवलपुरमा ठूलो संख्यामा मोटरसाइकलसहित प्रहरीले ठूलो गिरोहलाई पक्राउ गरेको छ ।
पक्राउ पर्नेमा नवलपरासी (पूर्व) मध्यबिन्दु न.पा. वडा नं. १० का मुकेश थापा,पाल्पा निस्दी गा.पा. वडा नं. ७ को खेम बहादुर सारु, बिनयी त्रिवेणी गा.पा. वडा नं. २ का गंगा बहादुर मगर, सोही स्थानको मिलन थापा,. वडा नं. ४ बस्ने बर्ष २३ को प्रेम बहादुर र मध्यबिन्दु न.पा. वडा नं. का दिल बहादुर सोती मगर रहेका छन । उनीहरुको साथबाट दर्जनभन्दा बढी मोटरसाइकल बरामद गरिएको हो ।
ईलाका प्रहरी कार्यालय दुम्किबास नवलपरासी (पूर्व)बाट खटिएको प्रहरी टोलीले बिभिन्न स्थान बाट मोटरसाइकल सहित उनीहरुलाई नियन्त्रणमा लिएको हो । उनीहरुलाई चोरी सम्बन्धी कसुरमा अनुसन्धान भई रहेको र चोरीमा संलग्न रहेका अन्य व्यक्तिहरुको खोजतलास भईरहेको प्रहरीले जनाएको छ ।
उनीहरुमाथि मुलुकी अपराध संहिता २०७४ को परिच्छेद २० चोरी सम्बन्धी कसुर अन्तर्गत अनुसन्धान कार्य अघि बढाईएको जिल्ला प्रहरी कार्यालय नवलपरासी (पूर्व) का सूचना अधिकारी प्र.ना.उ. दिलिप कुमार गिरीले जानकारी दिए ।