काठमाडौं । बलिउड अभिनेता सुनील सेट्टी नेपाली चलचित्रमा जोडिने भएका छन् । उनी नेपाली एक्सन चलचित्र ‘एक्स नाइन–लेभल वान’ मा अभिनय गर्न लागेका हुन् । अभिनेता सेट्टी आउँदो फेब्रुअरीको तेस्रो साता नेपाल आउने भएका हुन् ।
निर्देशक मुकुन भट्टले सामाजिक सञ्जालमा अभिनेता सेट्टीसँगको फोटो सेयर गर्दै सुनील सेट्टीको निर्देशकको रूपमा काम गर्न पाउँदा खुसी लागेको बताएका छन् ।
“सुनील सरसँग निर्देशक भएर काम गर्न पाउँदा खुसी लागेको छ । हाम्रो भूमि नेपालमा तपाईंलाई स्वागत छ,” उनले भनेका छन् ।
निर्देशक भट्टले यो नेपालको अहिलेसम्मकै ठूलो एक्सन थ्रिलर चलचित्र हुने दाबी गरेका छन् । गोल्डेन हिल्स पिक्चर्सको ब्यानरमा बन्न लागेको चलचित्रको आधिकारिक घोषणा चाँडै हुने पनि निर्देशक भट्टले जानकारी दिएका छन् ।
‘लप्पन छप्पन’ र ‘लप्पन छप्प्न २’ निर्देशन गरिसकेका निर्देशक भट्टको यो चलचित्र वर्ष २०७९ को दसैँमा रिलिज गर्ने तयारी छ ।
अभिनेता पुष्प खड्का, अनमोल केसी, मोडल राज कटुवाल लगायतको अभिनय रहने चलचित्र नेपालसहित विदेशमा पनि छायांकन गरिने छ ।
चलचित्रमा जोडिने कालकारहरू अहिले घण्टौ जिम गएर आफूलाई तयारी गर्न थालिसकेका छन् ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.