किबीबाट उत्पादित ‘प्रिन्सेस वाइन’ चितवनमा भित्रियो

चितवन । माउण्ट एभरेष्ट वाइनरी प्रालिले उत्पादन गरेको प्रिन्सेस वाइन चितवनको भरतपुरबाट बिक्री शुरु गरिएको छ । धनकुटाको चौबीसे गाउँपालिका–६ राजारानीमा रहेको उद्योगबाट उत्पादित प्रिन्सेस वाइनले यसअघि प्रदेश १ र २ मा बिक्री शुरु गरिसकेको थियो । (शुक्रबार)मात्रै भरतपुरमा एक औपचारिक कार्यक्रमका बीच बिक्री शुभारम्भ गरेको हो ।े भरतपुरमा चितवन मदिरा तथा प्रोभिजनल व्यवसायी संघका अध्यक्ष गोविन्द पाण्डेसहितका अतिथिले बिक्री शुभारम्भ गरेका हुन् ।
सो अवसरमा बोल्दै कम्पनीका सञ्चालक विष्णु पाण्डेले स्वदेशकै उत्पादन फलफूललाई सदुपयोग र प्रशोधन गरी देशमै अन्र्तराष्ट्रिय गुणस्तरको उत्कृष्ट उत्पादन दिन शुरु गरिएको बताए । ‘स्वदेशमै अन्र्तराष्ट्रिय स्वाद र गुणस्तर दिने उद्धेश्यसहित यो वाइन उत्पादन र वितरण शुरु गरेका हौं ।’ सञ्चालक पाण्डेले भने ।

प्रिन्सेस ब्राण्डको बाइन रेड र ह्वाइट कलरमा उपलब्ध रहेको छ । चिसो हावापानी र वातावरणमा फल्ने फलफूलको राजा मानिने किबीलाई प्रशोधन गरी उत्पादन गरिएको वाइनमा अल्कोहलको मात्रा ११ दशमलब पाँच प्रतिशत रहेको उनले जानकारी दिए । वाइन पारखीहरुका लागि प्रिन्सेस वाइन नयाँ स्वादमा बजारमा ल्याईको भन्दै उद्योगका अर्का सञ्चालक सीताराम पाठकले हालसम्म बिक्री वितरण भएको बजारमा प्रिन्सेस वाइनलाई आम प्रयोगकर्ताले रुचाएको बताए । चितवनका ग्राहकको रोजाइमा समेत प्रिन्सेस वाइन पर्नेमा आफूहरु विश्वस्त रहेको पाठकको भनाइ छ । विभिन्न देश तथा विदेशका अनुभवी प्राविधिकहरुबाट यो वाइन तयार पार्न सफल भएको पाठकले बताए । प्रिन्सेस ब्राण्डको वाइनको मूल्य ८२५ रुपैयाँ रहेको सञ्चालक करण शाहले जानकारी दिए । रेड र ह्वाइट कलरमा दुवै वाइन ७५० एमएलमा उपलब्ध छन् । कम्पनीले देशभर यसका उत्पादनहरुमा बजार लैजाने योजना सहित अघि बढेको शाहको भनाई छ ।