चितवन । चालु आर्थिक बर्ष ०७८ ,०७९ को पांँच महिनामा यातायात व्यवस्था सेवा कार्यालय, चितवनले झण्डै सांँढे ३१ करोड आम्दानी गरेको छ । कार्यालयले दिएको तथ्यांक अनुसार चालु आवको साउन देखि मंसीरसम्म ३१ करोड ४८ लाख ६६ हजार ६२० रुपैंया संकलन गरेको हो । कार्यालयले यातायात क्षेत्रको आम्दानी, प्रशासनिक दण्ड , जरीवाना र जफत ,बेरुजु, सवारीसाधन कर र चालक अनुमति पत्र तथा सवारी किताव सम्बन्धी दस्तुरबाट आम्दानी गर्दै आएको छ ।
कार्यालयले यो पांँच महिनाको अवधिमा सबैभन्दा बढी संकलन साउनमा गरेको छ भने कम भदौमा गरेको छ । कार्यालयका अनुसार साउन महिनामा ७ करोड ७९ लाख ५ हजार ९३० रुपैंया र भदौ महिनामा ४ करोड ३६ लाख १५ हजार ३०४ रुपैंया राजश्व संकलन गरेको हो । यस्तै असोज महिनामा ६ करोड १४ लाख ५७ हजार ३५९ रुपैंया, कार्तिक महिनामा ६ करोड ५२ लाख १ हजार २४८ रुपैंया र मंसीर ६ करोड ९७ लाख ९६ हजार ७७९ रुपैंया राजश्व संकलन गरेको हो ।
कार्यालय प्रमुख विनोद पौडेलले आर्थिक बर्षको अन्तिममा राजश्व तिर्न तथा नवीकरण गर्न छुटेका सवारीधनीहरुले साउन महिनामा कर तिर्न आउने हुनाले स्वभाविक रुपमा साउन महिनामा बढी आम्दानी हुने गरेको बताउनु भयो । ‘चैत्र , असार साउनमा तुलनात्मक रुपमा भन्दा अन्य महिना भन्दा बढी राजश्व संकलन हुन्छ पौडेलले भन्नुभयो , भदौ महिनामा १० दिन लगातार निशेधाज्ञा भएकोले कम राजश्व संकलन भएको हो ।’ कार्यालयले यस बर्षमा ६५ करोड भन्दा बढी राजश्व संकलन गर्ने लक्ष्य राखेको छ । ‘पांँच महिनामै हाम्रो आम्दानी ३१ करोड नाघेको छ , उहांँले भन्नुभयो , अहिले चालक अनुमतिपत्र नवीकरणबाट पनि थप आम्दानी भएको छ । लक्ष्य भन्दा बढीनै संकलन हुन्छ ।’
यातायात व्यवस्था सेवा कार्यालय, चितवनले उठायो पांँच महिनामा सांँढे ३१ करोड
यातायात व्यवस्था सेवा कार्यालय, चितवनले उठायो पांँच महिनामा सांँढे ३१ करोड
![](https://www.satyatathyasamachar.com/wp-content/uploads/2021/12/yatayat11.jpg)
तपाईको प्रतिक्रिया
संबन्धित शिर्षकहरु