चार प्रकारका अवैध लागुऔषध सहित २ जना नियन्त्रणमा

मकवानपुर । हेटौंडाबाट चार प्रकारका लागु औषध सहित दुई जनालाई नियन्त्रणमा लिईएको छ ।
बिरगंज महानगरपालिका वडा नंम्बर ९ बस्ने ईश्वर बहादुर उदास र सोही मोटरसाईकलमा सवार रहेका सोही स्थानको सन्दिप कुमार श्रेष्ठलाई मकवानपुर प्रहरीले नियन्त्रणमा लिएको हो ।
जिल्ला प्रहरी कार्यालय, हेटौंडाका अनुसार आइतबार सांँढे ११ बजे ईलाका प्रहरी कार्यालय पशुपतीनगर मकवानपुरबाट खटिएको प्रहरी टोलीले उनीहरुलाई नियन्त्रणमा लिएको हो । प्रहरीका अनुसार हेटौडा उपमहानगरपालिका वडा नम्बर १५ रातोमाटे चेकपोष्ट स्थित सवारी साधनहरु रोकी चेकजाँच गर्ने क्रममा विरगंजबाट हेटौडा तर्फ आउदै गरेको बा ४० प ६४७८ नं। को मोटरसाईकल चेकजाँच गर्ने क्रममा मोटरसाईकल लुकाई छिपाई ल्याउदै गरेको लागुऔषध नाईट्राभेट् ३०० ट्याब्लेट, नुफिम ५३ एम्पुल, डाईजापाम ५० एम्पुल, फेनारगन ५६ एम्पुल फेला पारेको थियो । उनीहरुलाई अवैध लागुऔषध र मोटरसाइकल सहित नियन्त्रणमा लिई जल्ला अदालतबाट १८ दिन म्यार्द थपेर अनुसन्धान कार्य भईरहेको प्रहरीले जनाएको छ ।