पार्किङ गरी राखेको पल्सर ‘बाईक’ चोरी गर्ने पक्राउ

मकवानपुर । मनहरीमा घरमा पार्किङ गरी राखेको पल्सर बाइक चोरी गर्ने दुईजनालाई प्रहरीले पक्राउ गरेको छ । पक्राउ पर्नेमा हेटौडा उपमहानगरपालिका वडा नम्बर ११ नमुनाचोकमा डेरा गरी बस्ने बिशाल बिश्वकर्मा रहेका छन भने चोरीमा संलग्न रवी शाह पनि पक्राउ परेका छन ।
जिल्ला प्रहरी कार्यालय मकवानपुरका अनुसार फागुन १२ गते मनहरी गाउंँपालिका वडा नम्बर ८ बस्ने वर्ष २८ को राज कुमार लोप्चनको आफ्नो घर अगाडी पार्किङ गरी राखेको ना ६२ प ९६४२ नंम्बर को २२० सिसीको पल्सर मोटरसाइकल चोरी भएको खोजतलास गरी पाउंँ भनी निवेदनको आधारमा मोटरसाइकल खोजतलास गर्ने क्रममा मकवानपुरबाट खटिएको प्रहरी टोलीले मंगलबार विश्कर्माको डेरामा लुकाई छिपाई राखेको अवस्थामा फेला पारेको हो । उक्त चोरी भएको मोटरसाइकल सहित चोरीमा संलग्न मकवानपुर मनहरी गाउँपालिका वडा नम्बर ८ सिम्पानीमा अटो ग्यारेज सञ्चालन गरि बस्ने रवि साह समेतलाई प्रहरीले पक्राउ गरेको छ । पक्राउ परेका उनीहरुलाई मकवानपुर जिल्ला अदालतबाट दिन १४ म्याद अनुमति लिई थपअनुसन्धान भईरहेको छ ।