डस्सलडोर्फ । युक्रेनविरुद्ध चलिरहेको युद्धलाई लिएर रुसी सरकारको छवि बिगार्ने खालका समाचार सम्प्रेषण गर्ने कुनै पनि रुसीलाई १५ वर्षसम्म जेल सजाय हुने भएको छ । रुसी सरकारले विदेश सञ्चार सञ्जालको पहुँचमाथि प्रतिबन्ध लगाएपछि पछिल्लो यो कदम चालिएको हो ।
रुसलाई ‘झुठो’ जस्तो लागेका खबरलाई अन्तर्राष्ट्रियकरण गर्ने कार्यलाई अपराध ठहर गर्नका लागि प्रस्तावित कानुन मस्यौदालाई शुक्रबार रुसी संसद्ले सर्वसम्मतले पारित गरेको छ । रुसी सरकारी निकायले पटकपटक रुसी सैनिकको क्षति विवरण वा युक्रेनमा सर्वसाधारणको मृत्युसम्बन्धी खबरहरू झुठा भएको दाबी गर्दै आइरहेको छ ।
रुसको सरकारी सञ्चार माध्यमले युक्रेनमा भइरहेको रुसी आक्रमणलाई ‘युद्ध’ नभई ‘विशेष सैनिक अभियान’को संज्ञा दिने गरेको छ ।
रुसी सरकारी समाचार संस्थाहरूले यस कारागार सजायसम्बन्धी मस्यौदालाई संसद्को तल्लो र माथिल्लो सदनले फटाफट पारित गरेको जनाएका छन् । यसमा राष्ट्रपति भ्लादिमिर पुटिनले हस्ताक्षर गरेपछि यो कानुन बन्नेछ ।
संसद्को तल्लो सभाका सभामुख भ्याचेस्लाभ भोलोदिनले भनेका छन्, “चाँडोमा शनिबार नै यो कानुन कार्यान्वयन हुनसक्छ । हाम्रो सशस्त्र फौजविरुद्ध झुठा अफवाह फैलाउनेहरू अब चाँडै नै गम्भीर कारबाहीमा पर्नेछन् । म समाज र सम्पूर्ण व्यक्तिलाई हामीले यो कदम हाम्रा फौज, सरकारी अधिकारीहरू र सत्यलाई जोगाउन चालेको भन्न चाहन्छु ।”
सेनाविरुद्ध झुठा खबर फिजाउनेलाई न्यूनतम सजाय तीन वर्ष कारावास तथा आर्थिक जरिबाना तोकिएको छ ।
शुक्रबार सञ्चार नियमन निकाय रोस्कोम्नाद्जोरले रुसी भाषामा विदेशबाट प्रकासन भइरहेको पाँचवटा सञ्चार माध्यममाथि रोक लगाइएको जानकारी दिएको छ ।
-
१.
-
२.
-
३.
-
४.
-
५.
-
६.
-
७.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.