लागुऔषध र नगद सहित एकजना हेटौंडाबाट पक्राउ

मकवानपुर । हेटौंडामा लागुऔषध र नगद सहित एकजना पक्राउ परेका छन । पक्राउ पर्नेमा हेटौंडा उपमहानगरपालिका वडा नम्बर १४ घर भई वडा नम्बर २ मा डेरागरी बस्ने अजय गोले रहेका छन ।
जिल्ला प्रहरी कार्यालय, मकवानपुरका अनुसार शनिबार प्राप्त सूचनाको आधारमा गोलेको डेराकोठामा चेकजाँच गर्दा लुकाई छिपाई राखेको लागुऔषध डाईजेपाम ५८ एम्पुल, फेनारगन ५७ एम्पुल, नफिन ५७ एम्पुल गरी १७२ एम्पुल, नाईट्रोभेट ८१ ट्बलेट, ला।औ। अनारेक्स ३ बोतल, ट्रेमाडोल २१ क्याप्सुल र नगद २९ हजार ६५० रुपैया सहित पक्राउ गरेको हो । उनीमाथि थप अनुसन्धान भईरहेको प्रहरीले जनाएको छ ।