भरतपुर,उज्यालो टाईम्स मिडिया एण्ड एडभरटाइजिङ्ग प्रा.लि.ले नववर्ष २०७९ को अवसरमा शुभकामना आदानप्रदान एवम् भित्तेपात्रो विमोचन कार्यक्रम सम्पन्न गरेको छ ।
उज्यालो टाईम्स मिडिया एण्ड एडभरटाइजिङ्ग प्रा.लि.का अध्यक्ष राजु भट्टको अध्यक्षतामा सम्पन्न कार्यक्रममा नेपाल पत्रकार महासंघ चितवन शाखाका अध्यक्ष नारायण अधिकारी प्रमुख अतिथि रहनुभएको थियो । प्रमुख अतिथि अधिकारीले उज्यालो टाईम्सले विगतदेखि नै मिडिया मार्फत सामाजिक उत्तरदायित्व अन्तर्गतका महत्वपूर्र्ण कार्यहरुमा आफ्नो परिचय बनाईसकेको, आफ्ना शुभचिन्तक, ग्राहकहरुको चाहना अनुसार भित्तेपात्रो (क्याण्डेर) लाई बार्षिक कार्यक्रम अन्तर्गत प्रत्येक वर्ष निरन्तर रुपमा प्रकाशन गर्दै आएकोमा शुभकामना व्यक्त गर्नुभयो ।
उज्यालो टाईम्स मिडिया एण्ड एडभरटाइजिङ्ग प्रा.लि.का प्रबन्ध निर्देशक राकेशमान श्रेष्ठले स्वागत मन्तव्य राख्नुभएको कार्यक्रममा प्रेस चौतारी नेपालका केन्द्रीय सदस्य तीर्थ नेपाल, प्रेस युनियन चितवनका अध्यक्ष अनिल ढकाल, साप्ताहिक सञ्जाल चितवनका अध्यक्ष टिकादत्त तिमिल्सिना लगायतले शुभकामना मन्तव्य राख्नुभएको थियो ।
शुभकामना आदानप्रदान एवम् भित्तेपात्रो विमोचन कार्यक्रममा नेपाल पत्रकार महासंघ चितवन शाखाका सल्लाहकार तिलक रिमाल, सचिव दिपेन्द्र अधिकारी, प्रा.लि.का निर्देशकहरु अनिल कुमार श्रेष्ठ, पुष्पराज श्रेष्ठ, हरि बहादुर भुजेल, कपिल सागर कर्माचार्य, लगायत चितवनका पत्रकारहरुको सहभागिता थियो
कार्यक्रममा उज्यालो टाईम्स मिडिया एण्ड एडभरटाइजिङ्ग प्रा.लि.द्वारा सञ्चालित उज्यालो टाईम्स डटकमका लागि प्रवास प्रमुखको रुपमा काम गर्दै आउनु भएका बुद्धिराम चौधरीलाई सम्मान गरिएको थियो । चौधरीले विगत लामो समयदेखि उज्यालोसँग सहकार्य गर्दै प्रवासका गतिविधिहरुलाई मिडिया मार्फत समाज रुपान्तरणमा योगदान पु¥याउनु भएको थियो ।
शुभकामना आदानप्रदान एवम् भित्तेपात्रो विमोचन कार्यक्रमलाई प्रा.लि.का अध्यक्ष राजु भट्टले धन्यवाद मन्तव्य सहित समापन गर्नुभएको थियो ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.