नारायणी साकोसको रजत महोत्सवमा ६५ जनाले गरे रक्तदान (तस्वीरहरु)

संवाददाता

बुधबार, चैत ३०, २०७८ मा प्रकाशित

चितवन । नारायणी बचत तथा ऋण सहकारी संस्था (साकोस) लिमिटेड, भरतपुरले रजत महोत्सवको अवसरमा साता व्यापी रचनात्मक तथा सामाजिक कार्यक्रमको आयोजना गरी मनाएको छ । नेपाल रेडक्रस सोसाईटी, नारायणपुर उपशाखा र नारायणी साकोसको संयुक्त आयोजना संस्थाको कार्यालय परिसरमा मंगलबार खुल्ला रक्तदान कार्यक्रमको आयोजना गरिएको थियो । जिल्लाका अस्पतालहरुमा रगत अभाव कम गर्ने उद्धेश्यसहित उक्त कार्यक्रम गरिएको हो ।
उक्त रक्तदान कार्यक्रममा ४३ जना पुरुष र २२ जना महिलाले रक्तदान गरेको संस्थाका सहसचिव हरिकृष्ण अधिकारीले जानकारी दिनुभयो ।
उक्त कार्यक्रमका प्रमुख अतिथिः नेपाल रेडक्रस सोसाइटी चितवन शाखा सभापती श्री ज्ञानशाली न्यौपाने तथा कार्यक्रम संयोजक बिशालबाबू तिमल्सेना रहनुभएको थियो ।