चितवन । चालु आर्थिक बर्ष ०७८,७९ को चैत्र महिनामा आन्तरिक राजश्व कार्यालयको कर असुली लक्ष्य भन्दा १९दशमलब २७ प्रतिशत कम असुली भएको छ । कार्यालयका अनुसार उक्त महिनामा विभागले २ अर्ब २४ करोड ११ लाख ९० हजार लक्ष्य दिएकोमा चैत्र महिनामा १ अर्ब ८० करोड ९४ लाख राजश्व असुली गरेको हो । असुली भएको कर शिर्षक मध्ये स्वास्थ्य सेवा कर बाहेक अन्य शिर्षकमा लक्ष्य पार गर्न सकेको छैन । जस अनुसार स्वास्थ्य सेवा कर शिर्षकमा ४ लाख १६ हजार लक्ष्य दिईएकोमा चैत्र महिनामा २७ लाख ७ हजार असुली भएको छ ।
कार्यालयका अनुुसार असुली भएको शिर्षकमध्ये सबैभन्दा बढी कर असुली अन्त शुल्क शिर्षकमा र शिक्षा सेवा करमा कुनैपनि राजश्व असुली भएको छैन । जस अनुसार अन्तशुल्क शिर्षकमा चैत्र महिनामा १ अर्ब ४० करोड ४४ लाख ७५ हजार असुली भएको छ । यस शिर्षकमा उक्त महिना १ अर्ब ६३ करोड ३३ लाख ४४ हजार रुपैंयाको लक्ष्य दिईएको थियो । शिक्षा सेवामा विभागले ४ लाख ६७ हजार रुपैंयाको लक्ष्य दिएको थियो ।
यस्तै आयकर शिर्षकमा ३७ करोड ९ लाख ३७ हजार लक्ष्य दिएकोमा २५ करोड ९ लाख ६ हजार रुपैंया असुली, बहालकर शिर्षकमा ६१ लाख ७८ हजार लक्ष्य दिईएकोमा ३५ लाख २६ हजार , व्याजकरमा १ करोड ११ लाख ८२ हजार लक्ष्य दिईएकोमा २६ लाख ४७ हजार असुली र मुल्य अभिवृद्धि कर शिर्षकमा २१ करोड ८६ लाख ६६ हजार लक्ष्य दिएकोमा १३ करोड ७० लाख ३९ हजार रुपैंया असुली भएको छ ।
कार्यालयका कर अधिकृत शुशील लम्सालले चितवन नभई देशभरका आन्तरिक राजश्व कार्यालयमा लक्ष्य भन्दा कम राजश्व संकलन भएको बताउनु भयो । ‘बजारमा कच्चा पदार्थको मुल्य बृद्धि हुंँदा , फाइदा कम हुन्छ, आयकर पनि कम हुन्छ उहांँले भन्नुभयो , तरलताको असर र सरकारी बजेट खर्च नभएको कारण पनि राजश्वमा असर पर्ने गर्छ । ’ भरतपुरको आन्तरिक राजश्व कार्यालयको मुख्य करको स्रोत मदिराजन्य बस्तु भएकोले यसको उत्पादन र खपत कम हुंँदा समग्र राजश्व असुलीमा असर पर्ने लम्सालले बताउनु भयो । बैशाख महिनादेखि निर्वाचनको चहलपहल संँगै अन्य आर्थिक गतिविधि बढ्ने हुनाले राजश्व संकलन हुने उहांँको भनाई छ ।
कार्यालयका अनुसार विभागले चैत्र महिनासम्म १५ अर्ब ३ करोड ४२ लाख ४ हजार लक्ष्य दिएकोमा हालसम्म १४ अर्ब ३० करोड १९ लाख रुपैंया असुली भएको छ । यो चालु आर्थिक बर्षको लागि विभागले कार्यालयलाई २१ अर्ब ७२ करोड २१ लाख ७९ हजार रुपैंया असुली गर्ने लक्ष्य दिएको छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.