रत्ननगर । स्थानीय निकायको आसन्न निर्वाचन नजिकिँदै गर्दा रत्ननगरमा सत्ता गठबन्धनले आक्रामकरूपमा घरदैलो तथा कोणसभाहरु आयोजना गरेको छ । शनिबार रत्ननगरको वडा नं ११ र १२ मा सत्ता गठबन्धनका उमेदवारहरुले चुनावी कार्यक्रमअन्तर्गत घरदैलो तथा कोणसभाहरु सम्पन्न गरेको हो ।
नेपाली कांग्रेसको तर्फबाट मेयर पदका उमेदवार प्रह्लाद सापकोटा र नेकपा (एकीकृत समाजवादी)को तर्फबाट उपमेयर पदका उमेदवार बद्रिनाथ घिमिरेलगायत सयौँ नेता, कार्यकर्ताहरुले नगरवासीको घरदैलोमै पुगेर मत माग्नुका साथै नगरवासीको अपेक्षा पूरा गर्ने प्रतिबद्धता जनाएका हुन् ।
वडा नं ११ आयोजित कोणसभामा मेयर पदका उमेदवार प्रह्लाद सापकोटाले २५ वर्ष कांग्रेसले नेतृत्व गर्न नपाउँदा रत्ननगरले विकासको फड्को मार्न नसकेको भन्दै गठबन्धनको जितसँगै रत्ननगरलाई रत्नजसरी चम्काउने बताए ।
उमेदवार सापकोटाले भने, ‘हामीसँग नगरविकासको योजनासहित समृद्ध नगरलाई सार्थक बनाउन विषयविज्ञहरु हुनुहुन्छ । उहाँहरुको सल्लाह, सुझाव र परामर्श लिएर नगरवासीको सपना पूरा गर्छु ।’
यस्तै, उपमेयर पदका उमेदवार बद्रिनाथ घिमिरेले सत्ता गठबन्धनको जितले मात्र रत्ननगरको मुहार फेर्न सक्ने बताए । ‘हामी आश्वासन दिनमात्र होइन, काम गर्न आएका छौँ’, उनले भने, ‘त्यो समयले प्रमाणित गर्ने कुरा हो । हामी यसमा प्रतिबद्ध छौँ ।’
रत्ननगर ११ का कांग्रेसबाट वडाध्यक्षका उमेदवार दिलीपचन्द्र घिमिरेले वडावासीको अपेक्षालाई खेर जान नदिने प्रतिबद्धता जनाए । कोणसभामा वडा सदस्य पदका उमेदवारहरु सुमित्रा दर्जी परियार, यशोधा अधिकारी, पञ्चुमाया गुरूङ, सोमबहादुर श्रेष्ठलगायतले आफूहरुलाई मत दिएर जिताउन आग्रह गरे ।
रत्ननगर–१२ मा मोटर ¥यालीसहित कोणसभा
नेपाली कांग्रेससहित सत्ता गठबन्धनले रत्ननगर वडा नं १२ मा विशाल मोटर ¥यालीसहित कोणसभा आयोजना गरेको छ ।
जिरौनाचोकमा आयोजित कोणसभामा कांग्रेसबाट मेयर पदका साझा उमेदवार प्रह्लाद सापकोटाले आफूले सामाजिक क्षेत्रमा विगतमा गरेका काम, सामाजिक उत्तरदायित्वअन्तर्गत नगरले सम्बोधन गर्न नसकेका क्षेत्रमा गरेका योगदान र मतदाताको कांग्रेसप्रतिको आकर्षण नै जितको आधार भएको जिकिर गरे ।
उनले आफूले कम बोल्ने तर काम गरेर देखाउने भएकाले भाषणबाजी मात्रै नगर्ने बताए । ‘म चिप्ला भाषण गर्न जान्दिनँ’, उनले भने, ‘विकासप्रेमी युवा हुँ, काम गरेरै देखाउँछु ।
उनले मतदाताले पाँच वर्षका लागि दिएको मतको सम्मान गर्दै आफ्नो जिम्मेवारी इमान्दारिताका साथ पूरा गर्ने बताए ।
रत्ननगर–१२ बाट कांग्रेसबाट वडाध्यक्ष पदकी उमेदवार अनिता अर्यालले आफू रत्ननगरका १६ वडामा एकमात्र महिला वडाध्यक्षको उमेदवार भएकाले आफ्नो वडालाई नमुना बनाउने दाबी गरिन् । कोणसभामा वडा सदस्य पदका उमेदवारहरु मिनकुमार दवाडी, सुकमाया विक, किसान बजगाईं, सन्तोषकुमार गोलेलगायत कांग्रेस, माओवादी र समाजवादीका नेताहरुले मन्तन्य व्यक्त गरेका थिए ।
मोटर ¥यालीसहित मत माग्न घरदैलोमा पुगेका मेयर पदका उमेदवार सापकोटा र उपमेयर पदका उमेदवार घिमिरेलाई मतदाताले टीका र खादा लगाएर स्वागत गरेका थिए ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.