नारायणगढ मुग्लिन सडक खुल्न २४ घण्टा भन्दा बढी लाग्यो : केराबारीको पहिरो पन्छाएपछि सुचारु

संवाददाता

मङ्गलबार, साउन १७, २०७९ मा प्रकाशित

चितवन । भारी बर्षाका कारण पहिरो खसेपछि नारायणगढ मुग्लिन सडक अवरुद्ध भएको सडक सञ्चालनमा आएको छ । गएराती ९ बजे भरतपुर महानगरपालिका वडा नम्बर २९ स्थित केराबारी मौरी खोला पुल नजिकै ठूलो पहिरो खस्दा दुबै तर्फ सडक अवरुद्ध भएको थियो ।
आज राती ९ ः ४० देखि दुईतर्फी बाटो सुचारु भएको हो । अन्य थुप्रै ठाउंँमा पहिरो गएपनि केराबारीमा ठूलो पहिरो गएपछि पन्छाउन समय लागेको जिल्ला प्रहरी कार्यालय चितवनले जनाएको छ ।