टिकौली चौरमा वेवारिसे अवस्थामा शिशुको शब भेटियो : मृत्यु भएपछि फालेको हुनसक्ने प्रहरीको आशंका

संवाददाता

मङ्गलबार, कार्तिक ०२, २०७८ मा प्रकाशित

चितवन । रत्ननगर नगरपालिका स्थित टिकौली जंगलको चौरमा शिशु मृत फेला परेको छ । इलाका प्रहरी कार्यालय ,टांँडीका अनुसार आज बिहान पौने ११ बजे स्थानीयले चौरमा शब देखेपछि प्रहरीलाई खबर गरेका थिए । कार्यालयका प्रमुख प्रहरी उपरीक्षक इन्द्रबहादुर रानाले शिशुलाई कपडाले बेरेर फालेको अवस्थामा भेटिएको जानकारी दिनुभयो । शिशुको शब सडेगलेको अवस्थामा भेटिएको छ ।
शिशुको मृत्यु भएपछि नजिकै चौरमा लगेर कसैले फालेको हुन सक्ने प्रहरीको आशंका छ । शिशुको शव परीक्षणको लागि भरतपुर अस्पतालमा राखिएको छ । शबको पहिचान र दोषी पत्ता लगाउन अनुसन्धान थालिएको रानाले बताउनु भयो ।