नारायणगढमा वेवारिसे पुरुषको शब भेटियो :शव परीक्षणको लागि भरतपुर अस्पतालमा

चितवन । नारायणगढमा आज बिहान प्रहरीले वेवारिसे शव फेला पारेको छ । भरतपुर महानगरपालिका वडा नम्बर ३ नारायणगढ कमलनगरस्थित स्थानीय तारानाथ पाठकको घर अगाडी पेटीमा मृत अवस्थामा भेटिएको हो ।
जिल्ला प्रहरी कार्यालय चितवनका अनुसार मागेर खाई हिड्ने अन्दाजी ४५ बर्षीय पुरुषको शव फेला पारेको र हालसम्म मृतकको पहिचान हुन सकेको छैन । शवलाई भरतपुरमा शव परीक्षण गर्न राखिएको र चिन्ने व्यक्तिले सम्पर्क गर्नहुन प्रहरीले अनुरोध समेत गरेको छ ।
घटनास्थल तथा शवको जाँच मुचुल्कासहित प्रारम्भिक अनुसन्धान सकिएकाले उनलाई चिन्नुहुने कसैले पनि निजको आफन्त वा प्रहरी कार्यालयमा सम्पर्क राख्न आग्रह गरिएको चितवन प्रहरी प्रवक्ता नरहरी अधिकारीले जानकारी दिनुभयो ।