नारायणगढमा ट्रकले ठक्कर दिँदा मोटरसाइकलको चालककोे मृत्यु

चितवन । नारायणगढको लायन्सचोकको ट्रकले ठक्कर दिँदा मोटरसाइकल चालककोे मृत्यु भएको छ । मृत्यु हुनेमा रत्ननगर नगरपालिका १० का ३१ वर्षीय युदुराज पौडेल रहेका छन् ।
जिल्ला प्रहरी कार्यालय चितवनका अनुसार सोमबार बिहान १०ः४५ बजे दाङबाट जनकपुर तर्फ जाँदै गरेको ना ८ ख ६२४९ नम्बरको ट्रकले बिपरित दिशाबाट आउँदै गरेको ना ३९ प २०९३ नम्बरको मोटरसाइकललाई ठक्कर दिएको हो । ठक्करबाट गम्भीर घाइते भएका मोटरसाइकल चालक पौडेलको उपचारका लागि भरतपुर अस्पताल ल्याउने क्रममा बाटोमा नै मृत्यु भएको हो ।