भीडभाडको मौका छोपी सार्वजनिक यातायातमा गहना चोर्ने तीन जना पक्राउ

संवाददाता

बुधबार, भदौ ३०, २०७८ मा प्रकाशित

चितवन । भीडभाडको मौका छोपी सार्वजनिक यातायातमा गहना चोरी तथा लुटपाट गर्ने तीनजना पक्राउ परेका छन । पक्राउ पर्नेमा सप्तरी राजबिराज नगरपालिका वडा नम्बर ४ मुसहरीटोल बस्र्ने ३५ कि पिंकी धामीन लगायत ३ जना रहेका छन । जिल्ला प्रहरी कार्यालय चितवनका अनुसार उनीहरुले समुह बनाई सार्वजानिक स्थान तथा सवारी साधनमा भिडभाडको फाइदा उठाई महिलाहरुलाई लक्षित गरी शरिरमा लगाएको, खल्तिमा वा ब्यागमा राखेको सामान तथा गरगहना चोरेको आरोपमा सोमबार पक्राउ गरिएको हो । सार्वजनिक बसमा यात्रारत एक जना महिलाको ब्यागबाट गरगहना चोरी गरेको अबस्थामा प्रहरीले पक्राउ गरेको हो । उनीहरुलाई नियन्त्रणमा लिई अदालतबाट म्याद थप गरी अनुसन्धान कार्य भई रहेको प्रहरीले जनाएको छ ।