घाम तापिरहेको अवस्थामा गैंडाले आक्रमण गर्दा दुई बृद्ध घाईते

चितवन । गैंडाको आक्रमणबाट चितवनमा दुई महिला घाईते भएका छन । घाईते हुनेहरुमा भरतपुर महानगरपालिका वडा नम्बर २२ पटिहानीका बुदना महत्तो र धोधारी महत्तो रहेका छन । जिल्ला प्रहरी कार्यालय, चितवनका अनुसार आज अपरान्ह सांँढे ३ बजे आफ्नै घर अगाडि घाम तापिरहेको अवस्थामा एक्कासी गैंडाले आक्रमण गरेको थियो । आक्रमणबाट घाईते भएका उनीहरुको चितवन मेडिकल कलेजमा उपचार भईरहेको छ । उनीहरुको अवस्था सामान्य रहेको प्रहरीले जनाएको छ ।