चितवन – प्रेमकथामा आधारित लुकीलुकी म्युजिक भिडियो सार्वजनिक भएको छ । उक्त भिडीयोमा कृष्णराज भट्टको स्वर रहेको छ ।
भट्टको आवाजमा रहेको ’लुकी लुकी’ बोलको गीत आज (आइतबार) युट्युबमा सार्वजनिक गरिएको हो ।
गीतमा भट्टलाई रश्मी विश्वकर्माले साथ दिएकी छन् । सार्वजनिक गीतको शब्द गायक भट्टले नै लेखेका हुन् । गीतमा संगीत संयोजन विशाल पौडेलको छ ।
सार्वजनिक गीतमा माया प्रेमको कथा देखाईएको छ । गीतको भिडियो आभास रानाले निर्देशन गरेका हुन् । रानाले नै भिडियो सम्पादन गरेका हुन् ।
रवि कोइरालाले खिचेको भिडियोमा पवन श्रेष्ठ, दीपा पाठक, वुद्धिमान गुरुङ, सानुबाबु पहरीलगायत फिचर्ड छन् । दीपाको यो दोस्रो भिडियो हो भने पवनले यही भिडियोबाट डेब्यु गरेका हुन् ।
भिडियो चितवनकै रमणियस्थल नारायणी नदी किनार, देवघाट, शिवघाटलगायतका क्षेत्रमा छाँयाकन गरिएको निर्देशक रानाले बताए ।
म्युजिक भिडीयो निर्माणका लागि हिमाल हाउजिङ्ग एण्ड कन्ट्रक्सनले आर्थिक तथा प्राविधिक सहयोग गरेको छ । हाउजिङ्गका प्रबन्धक विकास योगीले कोरोनाले सुस्ताईरहेको कला क्षेत्रलाई सघाउ पुगोस भन्ने हेतुले सहयोग गरिएको बताए । आगामी दिनमा पनि कम्पनीले संस्थागत सामाजिक उत्तरदायित्व बहन गर्दै जाने उनको भनाई छ ।
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.