टिकौली जंगलमा कपडाले बेरेको अबस्थामा एक पुरुष मृत भेटिए

चितवन । चितवनको टिकौली जंगलमा परिचय नखुलेका एक पुरुषको सडेगलेको अवस्थामाएक पुरुष मृत भेटिएका छन् । जिल्ला प्रहरी कार्यालय,चितवनका अनुसार आज बिहान सांँढे सात बजे अन्दाजी ६० बर्षको पुरुषको शब फेला परेको हो । शबको प्रकृति हेर्दा केही दिन अघि उनको मृत्यु भएको र कपडाले बेरिएको अवस्थामा पूर्व पश्चिम राजमार्गबाट १०० मिटरभित्र जंगलमा भेटिएको कार्यालयका प्रवक्ता सूर्य बहादुर थापाले जानकारी दिए । स्थानीयले शब देखेपछि प्रहरी घटनास्थलमा पुगेको छ । हालसम्म शबको पहिचान हुन सकेको छैन ।