नेपाल प्रहरी शिक्षालय भरतपुरद्धारा सरसफाई

चितवन । नेपाल प्रहरी शिक्षालय भरतपुरद्धारा सरसफाई गरिएको छ । आज भरतपुर महानगरपालिका वडा नम्बर १० को समन्वयमा शिवालय मन्दिर , महाकालेश्वर टोलमा सरसफाई गरिएको हो ।

कार्यक्रममा नेपाल प्रहरी शिक्षालयका निर्देशक प्रहरी नायव महानिरीक्षक सन्दिप भण्डारी ,नेपाल प्रहरी शिक्षालयमा कार्यरत प्रहरी कर्मचारीहरू र प्रशिक्षणरत प्रशिक्षार्थीहरू ,वडा नम्बर १० का अध्यक्ष परमेश्वर खनाल, महाकालेश्वर टोल विकास संस्था लगायत विभिन्न संघ संस्थाहरुको सहभभागिता थियो । सो अवसरमा बोल्दै वडाअध्यक्ष खनालले नेपाल प्रहरी शिक्षालयले यस सरसफाई अभियानमा दिएको साथको प्रशंसा गर्दै आगामी दिनमा समेत वडाले सहयोगको अपेक्षा राखेको बताउनुभयो ।

प्रहरी शिक्षालयका निर्देशक प्रहरी नायव महानिरीक्षक भण्डारीले समाजको हरेक सकारात्मक पाटोको लागि प्रहरी साथै रहेको बताउनु भयो । यस्ता कार्यक्रम सांकेतिक र सकारात्मक सन्देश दिने उद्धेश्यले गरिएको भन्दै भण्डारीले आफ्नो घर, आगन, टोल आ(आफ्नो स्तरबाट सबै एकजुट भएर लागेमा यस्ता अभियानले सार्थकता पाउने बताउनु भयो । यस्ता अभियानमा जोडिन सबैलाई उहांँले आह्वान गर्नुभएको थियो ।