भरतपुरबाट पेस्तोल नगद र सुनको सिक्री सहित प्रकाश बिक पक्राउ

असार १२, चितवन । चितवनमा हातहातियार खरखजाना कसुरमा फरार रहेका एक जना प्रतिवादी पेस्तोल र नगद सहित पक्राउ परेका छन । पक्राउ पर्नेमा भरतपुर महानगरपालिका वडा नम्बर ८ घर भई वडा नम्बर ५ मा डेरा गरी बस्ने प्रकाश विक रहेका छन ।
जिल्ला प्रहरी कार्यालय , चितवनका अनुसार जेठ २३ गते कटुवा पेस्तोल सहित वडा नम्बर ६ का दिपक पुन मगरलाई पक्राउ गरि हात हतियार खरखजाना कसुरमा अनुसन्धानको क्रममा बिकको संलग्नता देखिएपछि खोजतलासको क्रममा आज बिहान आफ्नै डेराबाट उनी पक्राउ परेका हुन । उनको कोठाबाट प्रहरीले कटुवा पेस्तोल एकथान, दुई राउण्ड गोली, नगद १ लाख १४ हजार, सुनको लकेटसहित सिक्री एकथान र पांँच थान मोबाइल बरामद गरेको छ । बिकलाई अदालतमाबाट म्याद थप गरी हिरासतमा राखेर हातहतियार खरखजाना कसुरमा थप अनुसन्धान भईरहेको प्रहरीले जनाएको छ ।